AGLeasing lizinq şirkətinin təsisçilərinin qərarı ilə şirkətin 1 mln. AZN-dək artırılması planlaşdırılan nizamnamə fondundakı payının məbləği müəyyən edilib. Bu barədə Trend ə Azəriqazbankın idarə heyətinin sədri Azər Mövsümov bildirib. Onun sözlərinə görə, apreldə nizamnamə kapitalının elan olunmuş səviyyəyədək formalaşdırılması başa çatdırılacaq.
Razılaşmaya əsasən, şirkətin kapitalı Azəriqazbank və İngiltərənin Hiperion Capital Management şirkətinin hesabına artırılacaq. Bununla bağlı olaraq onların iştirak payı 35%-dək artırılacaq, qalan iki təsisçi - İngiltərənin Milio Leasing Limited və Amerikanın Delta Trans LLC şirkətlərində isə əvvəlki səviyyədə saxlanılacaq.
2005-ci ildə şirkət yaradılarkən AGLeasing-in NK 600 min AZN. (3 mlrd. manat) səviyyəsində formalaşdırılıb və bu, dörd təsisçi arasında bərabər paylarla (hər birinə 25% olmaqla) bölünüb. Hazırda onlardan hər birinin 150 min AZN dəyərində 150 aksiyası vardır.