Azərbaycanın Auditor Palatası "Mühasibat uçotunun, vergiödəmənin və auditin müasir problemləri " mövzusunda beynəlxalq konfrans keçirəcək. Palatadan Trend verilən məlumata görə, konfrans təşkilatın yaranmasının 10 illik yubileyinə həs olunacaq və sentyabrın 16-da Bakıda keçiriləcək.
"Həmin gün 12 il əvvəl ilk dəfə olaraq auditor xidmətləri barədə qanun qəbul edilib", -deyə strukturdan bildiriblər.
Hazırda konfransda iştirak etmək üçün Türkiyə, Rusiya, Ukrayna, Qazaxıstan, Gürcüstan, Latviya, Litva və Özbəkistanın müvafiq strukturlarının nümayəndələrinə dəvətnamələr paylanılıb.
"Materialların toplanması üzrə işlər həyata keçirilir və beynəxalq konfransın təşkili ilə əlaqədar bütün tədbirlər həyata keçirilir", - deyə Auditor Palatasından bildirilib.
