Dövlət Əmlakının İdarəetmə üzrə Dövlət Komitəsi özəlləşdiriləcək dövlət müəssisələrinə dair təkliflər hazırlayıb. Trend in xəbər verdiyi kimi, Dövlət Komitəsinin sədri Kərəm Həsənovun jurnalistlərə verdiyi məlumata görə, yaxın vaxtlarda bu təkliflər Nazirlər Kabinetinə təqdim olunacaq.
Yanacaq-energetika sahəsinə daxil olan xidmət müəssisələrinin, dəmir yolu, su nəqliyyatı, meliorasiya və su təsərrüfatı obyektlərinin özəlləşdirilməyə çıxarılması təklif olunur. Bundan başqa, kimya sənayesi, kənd təsərrüfatı, neft maşınqayırma obyektlərinin, dövlət tikinti şirkətləri, həmçinin, səhiyyə, təhsil, idman və mədəniyyət sahələrində kommersiya prinsipləri ilə fəaliyyət göstərən təşkilatların özəlləşdirilməsi davam etdiriləcək.