Özəlləşdirmə qəbzlərinin tədavül müddətinin bitməsi ilə əlaqədar olaraq üstünlük ixtisaslaşdırılmış qəbz hərraclarına və investisiya müsabiqələrinə veriləcək. Dövlət əmlakının idarə edilməsi üzrə Dövlət komitəsinin sədri Kərəm Həsənov Trend ə bildirib ki, bu üsullar qəbz özəlləşdirməsini dəyişə bilər.
Hazırkı qanunvericiliyə əsasən, qəbzlərin tədavül müddəti 2008-ci ilin yanvarın 1-də bitir. Hökumətdə Trend ə bildirilib ki, bu gün tədavülə buraxılan özəlləşdirmə qəbzlərinin 45%-i (14 mln.-dan çox) çıxarılıb.
Eyni zamanda, Dövlət komitəsi qanunvericiliyə yeni özəlləşdirmə formalarının tətbiqi ilə bağlı təkliflər işləyib hazırlayır. Bununla yanaşı, perspektivdə analoji məqsədlər və vəzifələrlə dövlət əmlakının özəlləşdirilməsi üzrə yeni Dövlət proqramının hazırlanması nəzərdə tutulur. Hazırda özəlləşdirilmə ikinci dövlət proqramı əsasında aparılır.
K.Həsənov qeyd edib ki, yeni özəlləşdirmə proqramının tətbiqinə aid fikir bu məsələnin hökumətdə müzakirəsindən sonra konkretləşəcək. Özəlləşdirmənin yeni üsullarının işlənib hazırlanmasında məqsəd likvid biznes strukturlarının yaradılması, investisiyaların cəlb edilməsi və müəssisələrin fəaliyyətində iqtisadi səmərəliliyin artırılmasıdır.
