Nazirlər Kabineti Azərbaycan Respublikasında tətbiq olunan vergi hesab-fakturalarının mərkəzləşdirilmiş qaydada uçotu, satışı və sifarişinin tətbiqi barədə Qaydaları tətbiq edib. Hökumətdən Trend ə verilən məlumata görə, bu funksiyaların təsdiqlənmiş forma və rekvizitlərə müvafiq həyata keçirilməsi Maliyyə Nazirliyinə həvalə olunub. Maliyə Nazirliyi tərəfindən sifariş edilən mərkəzləşdirilmiş qaydada hesab-fakturalar vergi ödəyüiciləri tərəfindən 2006-cı il iyulun 1-dən tətbiq ediləcək. Həm də bu zaman vergi hesab-fakturaların hazırlanması zamanı əvvəllər istifadə olunmuş seriyaların təkrar olunmamasına diqqət veriləcək.
Qaydalar "Dövlət büdcəsi -2006" Qanununa müvafiq olaraq işlənib hazırlanıb. Sənədə görə, ciddi pul sənədləri olan hesab-fakturalar lisenziyalaşdırılmış nəşriyyatlarda çap oluna bilər. Onların maliyyələşdirilməsi büdcə vəsaiti hesabına həyata keçiriləcək. Onların satışından əldə olunan vəsait müvafiq olaraq tam şəkildə dövlət büdcəsinə keçiriləcək.
Təkrar dərc olunmaqdan yayınmaq üçün hesab-fakturalarda müdafiə nişanları göstəriləcək və onlar iki nüsxədə hazırlanacaq. Blanklar üçün seriyalar Maliyyə Nazirliyindən veriləcək.
Hesab-fakturaların maya dəyəri onların dərc olunmasına çəkilən xərc əsasında müəyyən ediləcək və onların vergiödəyicilərə satışı vahid qiymət əsasında rayon (şəhər) maliyyə idarələri və şöbələri tərəfindən həyata keçiriləcək. Onlar hər ayın 8-nə kimi Maliyyə Nazirliyi qarşısında satılan və bundan əvvəlki ay ərzində qaytarılan hesab-fakturalar barədə hesabat verməlidirlər. Maliyyə Nazirliyi öz növbəsində, hər ayın 15-nə kimi satılmış, qaytarılmış, xarab olmuş və istifadə olunmamış hesab-fakturalar barədə informasiya verməlidir. Bu zaman belə hesabatlarda seriya, nömrə, satışın tarixi, eləcə də IOEN göstəricisi ilə satıcının adı göstərilməlidir. İstifadə olunmamış hesab-fakturalar qaytarılarkən Maliyyə Nazirliyi onların dəyərinin 75%-ni qaytarır.
Hesab-fakturaların mərkəzləşdirilmiş qaydada uçotu, satışı və sifarişi onların tətbiqi ilə bağlı mənfi faktların aradan qaldırılması ilə əlaqədardır.
2006-cı il yanvarın 1-dən vergi orqanlarında ƏDV üzrə 13500 vergi ödəyicisi qeydiyyata alınıb. Bu siyahı 2004-05-ci illər ərzində formalaşıb, belə ki, 2004-cü ilin iyununda ƏDV üzrə vergiödəyicilərinin inventarizasiyası aparılıb və onlar yenidən uçota durublar.
