Azərsu Səhmdar Cəmiyyəti (SC) 2006-cı ildə kanalizasiya və su təchizatı sistemlərinin tikintisi və yenidən qurulması üzrə tender elan edib. Trend in verdiyi məlumata görə, tender 6 lot üzrə keçiriləcək. Xaçmazın yaşayış məntəqələrində içməli suya olan tələbatın, İsmayıllı şəhərində və yaşayış məntəqələrində su təchizatının yaxşılaşdırılması, şəhərin kanalizasiya sisteminin və təmizləyici qurğularının yenidən qurulması, Şamaxının kanalizasiya sisteminin yenidən qurulması və genişləndirilməsi, Astara rayonunun su təchizatının yaxşılaşdırılması üçün Sim kəndindən Astara rayonunun mərkəzinə yeni su xəttinin (48 km) tikintisi, Masallı şəhərinin və onun yaşayış məniəqələrinin su təchizatının yaxşılaşdhırılması və şəhərin kanalizasiya sisteminin yenidən qurulması və 6-cı lot Lerikin və onun yaşayış məntəqələrinin su təchizatının yaxşılaşdırılması, alternativ su xəttinin çəkilişi və kanalizasiya sisteminin yenidən qurulması, əsaslı təmiri və su ehtiyatlarının yenidən qurulması nəzərdə tutulur.
Adıçəkilən bütün işlər cari ilin sonuna kimi yerinə yetirilməlidir.
Maraqlı şəxslərin təklifləri mayın 4-nə kimi qəbul ediləcək. Prosedurun özü isə mayın 5-də SC-də keçiriləcək.