Avropa Yenidənqurma və İnkişaf Bankının (AYİB) prezidenti Jan Lemyer aprelin 10-da Bakıya rəsmi səfərə gələcək. Bu barədə Trend ə hökumətdə bildirilib. Onun Azərbaycana ötən səfəri 2004-cü ildə olub və həmin səfər tanışlıq xarakteri daşıyırdı.
J.Lemyerin şəxsi təşəbbüsü ilə keçiriləcək hazırkı səfər zamanı mümkün əməkdaşlığın istiqaəmtləri müzakirə ediləcək. Hökumətdə hesab olunur ki, bu, energetika, nəqliyyat sahələri, eləcə də özəl sektor ola bilər. Müzakirə mövzusu lokomotiv parkı, Mingəçevir DRES, zibil emalı zavodu, Zeynalabdin Tağıyev qəsəbəsi ətrafında dairəvi yolun və s. maliyyələşdirilməsi məsələsi olacaq.
