Misirin ticarət və sənaye naziri Rəşid Mühamməd Rəşidin Bakıya səfəri planlaşdırılır. Misirin Azərbaycandakı səfirliyində Trend ə bildirilib ki, səfərin yayadək həyata keçirilməsi nəzərdə tutulur.
Bu barədə razılaşma Azərbaycanın iqtisadi inkişaf naziri Heydər Babayevin Misirə səfəri zamanı əldə olunub. Qarşıdakı səfər çərçivəsində Azərbaycan ilə Misir arasında iqtisadi və ticari əməkdaşlığın inkişafı ilə bağlı fikir mübadiləsi aparılacağı gözlənilir. Tərəflər Misirin işgüzar dairələrinin nümayəndələrinin, eləcə də sahibkar və sərmayəçilərinin Azərbaycanın sosial-iqtisadi layihələrində iştirakı məsələlərini nəzərdən keçirəcək.
Əsas müzakirə mövzusu tərəflərin Azərbaycanda və Misirdə keçirilən ixtisaslaşdırılmış beynəlxalq sərgilərdə iştirakı, habelə neft-qaz sahəsində birgə layihələrin həyata keçirilməsi, eləcə də iqtisadiyyat, xüsusilə də turizm sahəsinə qarşılıqlı sərmayə qoyulması imkanları kimi məsələlər olacaq.
