Bakıda "Azərbaycanda kənd təsərrüfatı sahəsində investisiya iqlimi" konfransı keçiriləcək. Bu barədə Trend ə Kənd Təsərrüfatı Nazirliyindən məlumat verilib.
Konfrans Azərbaycan hökuməti və BMT-nin Ərzaq və Kənd təsərrüfatı təşkilatı FAO (Food and Agriculture Organization of the United Nations) ilə birgə təşkil olunub.
Nazirlikdən bildirilib ki, konfransın ilkin tarixi mayın 30-na təyin edilib və bu tarixin dəyişdiriləcəyi istisna edilmir. Çünki hazırda bu məsələ FAO ilə razılaşdırma mərhələsindədir.
Tədbirin işində idarələrin, beynəlxalq təşkilatların, investorların iştirakı gözlənilir.
Qeyd edək ki, Azərbaycan 1995-ci ilin oktyabrından FAO-nun üzvüdür. Onun üzvlərinin ümumi sayı 150 ölkədən çoxdur.
