"Daşınmaz əmlakın dövlət reyestri haqqında" Azərbaycan Respublikası Qanununun tətbiqi ilə əlaqədar bəzi qanunvericilik aktlarına dəyişikliklər və əlavələr edilməsi barədə qanun layihəsi Milli Məclisin müzakirəsinə veriləcək. Bu barədə "Trendə" Milli Məclisin aqrar siyasət daimi komissiyasından bildiriblər.
Qeyd olunub ki, qanun layihəsinin tətbiqi ilə əlaqədar olaraq 14 qanuna əlavə və dəyişikliklər edilib. Bunlardan 5-i məhz aqrar sahəyə aiddir ki, bu da indiyədək bu sahədə mövcud olan pərakəndəliyi aradan qaldırmaq, mülkiyyət hüquqlarını təkmilləşdirmək və idarəçiliyə nəzarəti gücləndirmək məqsədi daşıyır. Artıq xeyli müddətdir ki, məsələ ilə əlaqədar ölkə prezidentinin sərəncamı ilə Nazirlər Kabineti yanında Daşınmaz əmlakın Dövlət Reyestri Xidməti yaradılıb.
Müəyyən redaktə xarakterli qüsurlar nəzərə almaqla sənəd Milli Məclisin müzakirəsinə təqdim ediləcək.