2006-cı ildə "Azəralümin" 2005-ci ildəki 29 min tona qarşı 30 min ton məhsul istehsal etməyi planlaşdırır. Hazırda aylıq istehsal 2,5 min tona yaxındır. Trend in verdiyi məlumata görə, bu barədə jurnalistlərə "Azəralümin" ASC-nin istehsal üzrə direktoru Cəmil Səfərov məlumat verib.
Onun sözlərinə görə, istehsal olunan məhsulun 98% -i müqavilə üzrə ixrac olunur. Ötən il iki belə müqavilə imzalanıb. İstehsalın bu həcmindən məhsulun 65% -i ən yüksək A-7 markalı alümindir.
C.Səfərovun sözlərinə görə, hazırda müəssisədə iki korpusun rekonstruksiyası üzrə işlər aparılır. Bu işlərin ilin sonuna kimi başa çatdırılması ehtimal olunur.