Əmək və Əhalinin Sosial Müdafiəsi Nazirliyi Azərbaycanın bütün regionlarında əmək yarmarkaları keçirmək niyyətindədir. Nazirliyin Məşğulluq İdarəsindən Trend agentliyinə verilən məlumata əsasən, tədbirlərə hazırlıq görmək üçün icra hakimiyyəti orqanlarına məktublar göndərilib.
Əmək yarmarkalarını 2006-cı ilin mayın sonu - iyunun əvvəlində başlamaq planlaşdırılır.
2005-ci ildə Əmək Nazirliyi 25.229 nəfəri işlə təmin edib. Bunların 7.212 nəfəri əmək yarmarkaları vasitəsilə işə düzəlib.
1997-ci ildən başlayaraq Azərbaycanda əmək yarmarkaları vasitəsilə işə düzələnlərin sayı 48.722 nəfərə çatıb.
