Kənd Təsərrüfatı Nazirliyi nəzdində Dövlət Baytarlıq Xidməti "quş qripi"nə dair yeni əməliyyat planına əsasən işləyir. Bu barədə Trend agentliyinin yaydığı məlumata əsasən, aprelin 19-da Baytarlıq Xidmətinin Epizotiya Əleyhinə Mübarizə və Müalicə Profilaktikası Sektorunun baş mütəxəssisi Füzuli Qurbanov bildirib.
Onun dediklərinə görə, aktiv və passiv monitorinqlər üzrə yeni plan bəzi regionlarda karantinin ləğvindən sonra təsdiqlənib və artıq aprel ayından bu istiqamətdə işlər aparılır.
"Hazırda biz bir həftə ərzində FAO mütəxəssisinin "quş qripi" ilə mübarizə çərçivəsində ölkəyə gəlişini gözləyirik" - deyə qurumdan bildiriblər. Artıq bir ekspert işə başlayıb. İkinci mütəxəssis isə Azərbaycanda beş ay qalacaq.
F.Qurbanov deyib ki, yaxın vaxtlarda Azərbaycana əlavə olaraq dezinfeksiya üçün 10 avtomaşın gətiriləcək.
