"Orden və medallar haqqında" qanun qəbul etmək lazımdır. Trend xəbər verir ki, bu barədə Milli Məclisin hüquq siyasəti və dövlət quruculuğu məsələləri daimi komissiyasının sədri Əli Hüsyenov parlamentin aprelin 21-də keçirilən növbəti iclasında bildirib.
Komissiya sədri vurğulayıb ki, belə bir qanunun qəbulu zəruridir: "Azərbaycan parlamentinin orden yaradıcılığı ilə bağlı təcrübəsi var, ancaq xüsusi qanunu yoxdur. Düşünürəm ki, bu qanunla gələcəkdə müzakirəyə çıxarılacaq orden və medallarla bağlı məsələlər tənzimlənə bilər". Qeyd edək ki, parlamentin növbəti iclasında "Daxili işlər orqanlarında qüsursuz xidmətə görə" medalı və "Polis veteranı" medalı ilə bağlı əsasnamənin təsdiq edilməsi məsələsi geniş müzakirə olunduğundan belə məsələləri tənzimləmək üçün Ə.Hüseynov vahid qanunun qəbul edilməsinin zəruriliyini vurğulayıb.
Ə.Hüsyenov onu da bildirib ki, "Azərbaycan vətəndaşlarının şəxsiyyət vəsiqələri haqqında" qanun da qəbul edilməlidir.
