"Russkiy Alüminiy" ASC-nin texniki missiyası Azərbaycanda alüminium istehsal edən zavodun inşası ilə bağlı danışıqları davam etdirmək məqsədilə Bakıya gəlib. İqtisadi inkişaf naziri Heydər Babayevin Trend ə verdiyi məlumata görə, ekspert qrupunun səfərində əsas məqsəd energetika bazası, nəqliyyat sektoru, alüminium istehsalı zamanı yarana biləcək xərclər, sərmayənin həcmi ilə bağlı məsələləri öyrənməkdən ibarətdir.
Bu, "RusAl" ekspertlərinin Bakıya ikinci səfəridir. Əvvəlki səfərdə alüminum zavodunun inşa ediləcəyi yer, xammal tədarükü və digər məsələr diqqət mərkəzində idi.
Zavodun istehsal gücü ildə 300 min ton təşkil edəcək. Zavodun fəaliyyətinin təmin edilməsi, infrastrukturun genişləndirilməsi və elektrik stansiyasının tikintisi üçün sərmayələrin ümumi həcmi $1 milyardı keçəcək.
