Hacıqabul-Gürcüstan sərhədi avtomobil yolunun iki zolaqlıdan dörd zolaqlıyadək genişləndirilməsi üçün həmin marşrut üzrə texniki-iqtisadi əsaslandırmaya təkrar baxılmalıdır. Trend agentliyinin məlumatına əsasən, bu barədə jurnalistlərə baş nazirin birinci müavini Abid Şərifov bildirib.
Texniki-iqtisadi əsaslandırma TACIS-ın texniki yardımı ilə hazırlanmış sənədlərə müvafiq tamamlanacaq. Bu, son vaxtlar qiymətlərin dəyişməsi ilə bağlıdır.
Sonra texniki-iqtisadi əsaslandırma maliyyələşdirilmək üçün beynəlxalq maliyyə institutlarına təqdim olunacaq. A.Şərifovun sözlərinə görə, hazırda Dünya Bankı, Fransanın BNP Paribas bankı, Slovakiyanın İxrac bankı ilə danışıqlar aparılır.
A.Şərifov hesab edir ki, Hacıqabul-Gürcüstan sərhəddi ərazisində 400 km-lik birinci kateqoriyalı yolun çəkilməsi üçün təxminən $300 mln. tələb olunacaq.
