Azərbaycan Sığorta Cəmiyyətləri Birliyinin idarə heyətinin mayın 10-na planlaşdırılan növbəti iclası mayın 17-nə təxirə salınıb. Bu barədə Trend ə Birliyin icraçı direktoru Fuad Ələkbərov məlumat verib. İclasın vaxtının dəyişdirilməsinə səbəb kvorumun olmaması olub.
Sığortaçıların iclasının gündəliyinə müzakirə olunmaq üçün 3 məsələ daxil edilib. İdarə heyətində 2005-ci il ərzində fəaliyyət üzrə hesabat konfransının keçiriləcəyi tarix dəqiqləşdiriləcək, iki sığorta cəmiyyətinin bir strukturda birləşdirilməsi məsələsi nəzərdən keçiriləcək. Eləcə də Azərbaycanın Avrasiya Sığorta Assosiasiyasında iştirakına da baxılacaq.
İlkin məlumatlara görə, konfrans mayın 24 -də keçiriləcək. F.Ələkbərovun sözlərinə görə, birləşmə məsələsinin həll olunacağı halda konfrans hesabat-seçki konfransı da ola bilər.
