TRACECA çərçivəsində neft və neft məhsullarının Azərbaycan ərazisi vasitəsilə daşınmasında ildə 10 mln. ton həcmində artım gözlənilir. Bu barədə, Trend agentliyinin məlumatına əsasən, TRACECA-nın Azərbaycan üzrə milli katibi Akif Mustafayev bildirib. Hazırda Qazaxıstan və Türkmənistanın məsələ ilə bağlı fəallığı müşahidə olunur.
Azərbaycan vasitəsilə TRACECA çərçivəsində gerçəkləşdirilən daşınmalarda dəmir yolu üstünlük təşkil edir. Bu nəqliyyatın payına ümumi daşınma həcminin 45%-i düşür. Ötən il daşınmanın həcmi 47 mln. ton təşkil edib. 1993-cü ildən bu rəqəm 40 dəfə artıb.
Avtomobil nəqliyyatı ilə daşınmaların həcminin artırılması üçün sərhəd, gömrük və vergi məsələlərinin həlli tələb olunur.
