Azərbaycanın Nəqliyyat Nazirliyinin "Yolnəqliyyatservis" Departamenti Tovuz şəhəri ətrafında dairəvi yolun tikintisi ilə bağlı tender elan edib. B ubarədə Trend ə nazirlikdən məlumat verilib.
Layihənin maliyyələşdirilməsi Dünya Bankının Gəncə-Qazax avtomobil yolunun rekonstruksiyası üzrə ayırdığı kreditin çərçivəsində həyata keçiriləcək. Bankın kreditinin məbləği $40 mln. təşkil edir. O, Beynəlxalq İnkişaf Assosiasiyasının standart şərtləri əsasında ayrılıb.
Tender çərçivəsində bir müqavilənin bağlanacağı ehtimal edilir. Layihənin icra müddəti 18 aydır.
Tender sənədlərinin qəbulu 2006-cı il iyunun 28-nə kimi həyata keçiriləcək. Hazırda Şəmkir-Qazax avtomobil yolunun bir hissəsinin rekonstruksiyası başa çatır. Gəncə-Şəmkir yolunun rekonstruksiyası artıq ötən il başa çatıb.