2005-ci ildə MDB-nin qərb regionlarında (Belarus, Moldova və Ukrayna) və Qafqazda (Azərbaycan, Ermənistan və Gürcüstan) artım sürəti yüksək olaraq qalıb və güclü daxili sorğu ilə şərtlənib. Lakni bir sıra ölkələrdə artım sürəti 2004-cü illə müqayisədə bir qədər aşağı düşüb.
Trend in verdiyi məlumata görə, AYİB-in 2005-ci il üzrə hesabatında bildirilir ki, ötən il sürətli artım tempinə Qafqazda, xüsusilə Azərbaycanda nail olunub. Burada o, 2004-cü ildəki 10,2% -dən 2005-ci ildəki 20%-ə qədər artıb. Bu da neft hasilatının artımı və dünya bazarında neftin qiymətinin yüksəlməsi ilə şərtlənib.
İnflyasiyanın səviyyəsi regionun bütün ölkələrində yüksək (orta 10%) qalıb. İnflyasiyanın azalması neft ixracından əldə olunan gəlirlərin ehtiyatla idarə olunmasını tələb edir. Bundan əlavə, kredit ayrılmasının yüksək artımı bir çox ölkələrdə kredit-pul siyasəti və bank nəzarəti sahəsində qarşıya yüksək vəzifələr qoyur.
AYİB-in hesabatında bildirilir ki, Azərbaycanda bazar iqtisadiyyatına keçiridin sürəti daha aşağıdır. Bununla yanaşı, bu yaxınlarda ölkə Beynəlxalq Valyuta Fondunun IIII maddəsi üzrə öz üzərinə öhdəlik götürüb və ÜTT-yə daxil olmaq üzrə tələblərin yerinə yetirilməsi üçün bir sıra addımlar atıb. Bundan əlavə, ölkədə korrupsiya problemləri ilə məşbul olmaq üçün xüsusi komissiya yaradılıb.
2005-ci ildə AYİB-in MDB və Qafqaz ölkələrinə qoyduğu investisiyaların ümumi həcmi 931 mln. avroya çatıb ki, bu da 332 mln. avro bundan qabaqkı ilin səviyyəsini ötüb.
AYİB qeyd edir ki, 2005-ci ildə iki il ərzində real irəliləyişlərin əldə olunmasına baxmayaraq, Azərbaycanın təsdiqlədiyi yeni strategiyasında ölkə qarşısında ciddi tapşırıqlar durur. AYİB neft-qaz sektoru çərçivəsində ölkə iqtisadiyyatının diversifikasiyasını dəstəkləməyi və energetika sektorunda özünün irimiqyaslı investisiyalarını genişləndirməyi planlaşdırır. AYİB bank sektorunun rəqabət gücünün artırılmasına yardım göstərəcək və infrastrukturların modernləşdirilməsi ilə məşğul olacaq.