Azərbaycanda üzümçülük və şərabçılığın inkişafı müşahidə olunur ki, buna 2002-ci ildə müvafiq qanunun qəbulu xeyli təsir göstərib. Bu barədə, Trend agentliyinin məlumatına əsasən, Kənd Təsərrüfatı Nazirliyinin Bitkiçilik Məhsullarının İstehsalı və Emalına Nəzarət, Torpaqdan İstifadə Şöbəsinin rəisi Sabir Vəliyev bildirib.
Onun sözlərinə görə, qanun bölgələrdə üzümçülüyün və sahibkarlığın inkiaşfına xidmət edib.
"Bu sahəninin inkişafının və məhsulun ixracatının vacibliyini nəzərə alaraq, 2008-ci ilədək Azərbaycanda 6 min hektar sahədə əlavə üzüm bağları salınacaq" - deyə nazirlikdə qeyd ediblər.
Nazirliyin məlumatlarına əsasən, 2006-cı ildə əkin sahəsinin genişləndirilməsi hesabına yüksək üzüm istehsalı gözlənilir. 2005-ci ildə Azərbacyanda üzüm yığımı 9 641 hektar sahə ilə 79 654 ton təşkil edib.
