Gəncədə hava limanının yenidənqurulması və modernləşdirilməsi üzrə işlər bu ilin iyununda başa çatacaq. Bu barədə Trend ə Azərbaycan hökumətindən məlumat verilib. Layihənin dəyəri təxminən $39,5 mln təşkil edir və dövlət büdcəsi, o cümlədən "AZAL" DK-nın öz vəsaiti hesabına gerçəkləşdirilir. Hava limanında uçuş xətti uzadılacaq, köhnə hava hərəkətini idarəetmə sistemləri dəyişdiriləcək və təyyarə vağzalı kompleksi yenidən qurulacaq.
Gələcəkdə Lənkəran, Zaqatala və Şəki hava limanlarının yenidən qurulması nəzərdə tutulur. Bu layihələrin gerçəkləşdirilməsi üçün dövlət büdcəsi və "AZAL" DK-nın öz vəsaitindən istifadə olunacaq. Hazırda Lənkəran hava limanının yenidən qurulması üzrə işlərə başlanılıb. Daha sonra bu proses Zaqatalada həyata keçiriləcək. Gələcəkdə Şəki hava limanı yenidən qurulacaq.
"AZAL" DK tərəfindən artıq Naxçıvan hava limanı yenidən qurulub.