Azərbaycanda pensiyaların yığım hissəsi sistemi 2010-cu ildən tətbiq olunmağa başlanacaq. Trend agentliyinin məlumatına əsasən, bu barədə Dövlət Sosial Müdafiə Fondunun sədri Səlim Müslimov mətbuat konfransında bildirib.
Fondun hesablamalarına görə, yığım hissə işçinin əmək haqqından məcburi sosial sığorta üçün tutulan vəsaitlər hesabına formalaşdırılacaq. Bu gün işçinin sosial ayırmalar dərəcəsi 3%-dir, lakin S.Müslimov 2010-cu ilə qədər işə götürənlə (22%) işçi arasındakı fərqin dəyişdiriləcəyini istisna etmir.
2010-cu ildən sonra 3 il ərzində pensiyaların yığım hissəsi banklarda depozit kimi saxlanılacaq. Yalnız 3 il başa çatdıqdan sonra sığortaçı həmin vəsaitlərdən investisiya kimi istifadə edə bilər. Bu investisiyalardan istifadə qaydası sonralar qəbul olunması planlaşdırılan ayrıca qanunla müəyyənləşəcək" - deyə S.İüslimov qeyd edib.
3 ildən sonra sığortaçıya yığım hissəsini yerləşdirə biləcəyi şirkətlərin siyahısı veriləcək.
Yığım hissəsini bütün vətəndaşlar almayacaq. Bunu yalnız 1973-cü iləndən sonra anadan olmuş şəxslər əldə edə biləcək. 2010-cu ildə 1973-cü il təvəllüdlü adamların 37 yaşı tamam olacaq. Qanuna əsasən, yığım hissəsini almaq üçün 25 illik sığorta stajına malik olmaq lazımdır.
Sığortaçı pensiyanın yığım hissəsini yalnız pensiya yaşına çatdıqda ala bilər. Lakin müəyyən istisnalar da mümkündür. Xüsusilə, iki halda pensiyaya çıxmamışdan əvvəl bu vəsaitlər verilə bilər: birinci - vətəndaşlığını dəyişdirdikdə, ikinci - vəfat etdikdə. İkinci halda yığım hissəsi vəfat edən sığortaçının varislərinə verilir.
