İyunun 22-dən 25-dək Kazanda Standartlaşdırma, Metrologiya və Sertifikatlaşdırma üzrə Dövlətlərarası Şuranın (SMSDŞ) 29-cu iclası keçiriləcək. Dövlət Standartlaşdırma, Metrologiya və Patent Agentliyindən Trend ə verilən məlumata əsasən, tədbirdə başda agentliyin rəhbəri Ramiz Həsənov olmaqla nümayəndə heyətinin iştirakı gözlənilir.
SMSDŞ standartlaşdırma, metrologiya və sertifikatlaşdırma sahəsində razılaşdırılmış siyasətin aparılması haqqında MDB dövlətləri tərəfindən imzalanmış saziş çərçivəsində yaradılıb.
Tədbirdə Rusiya, Azərbaycan, Ermənistan, Belarus, Qazaxıstan, Qırğızıstan, Moldova, Tacikistan, Türkmənistan, Özbəkistan, Ukrayna, Slovakiya, Çexiya, Macarıstan, İran, Böyük Britaniya və Polşadan təxminən 60 nümayəndənin iştirakı gözlənilir.
