Milli Məclisdə bələdiyyələrlə əlaqədar qəbul olunmuş qanunlarda boşluqlar aradan qaldırılacaq. Bu barədə Trend ə Azərbaycan Respublikası Ədliyyə Nazirliyinin Bələdiyyələrlə İş Mərkəzindən məlumat verilib.
Bu qanunlar digər qanunvericilik aktları ilə üst-üstə düşmür. Bələdiyyələrlə iş Mərkəzi həmin qanunların monitorinqini aparıb və yeni qanunlar paketi hazırlanıb. Qanunlar paketində bələdiyyə üzvlərinin, qulluqçuların sosial, maliyyə, status və digər problemlərinin həlli ilə bağlı yeni təkliflər var.
Qanunlar paketi Milli Məclisin regional məsələlər daimi komissiyasında müzakirə edildikdən sonra parlamentin payız sessiyasının gündəliyinə daxil ediləcək.
