İyunun 15-də Ukrayna və Moldova arasında mütəmadi hava nəqliyyatı bərpa olunacaq. Trend in verdiyi xəbərə görə, bu barədə "AeroSvit" şirkətindən xəbər veriblər. Şirkət bu xətdə bərəçi qismində çıxış edəcək. Şirkət artıq Kişinyovdan və əksinə reyslərə bilet satışına başlayıb.
Ehtimal edilir ki, hava xəttinin istismarının bərpası "Demokratiya və iqtisadi inkişaf üçün təşkilat - GUAM" çərçivəsində sərbəst ticarət zonasına effektiv xidmət edilməsinə yardım edəcək. Bu məqsədlə Kiyevdə Azərbaycan (Bakı) və Gürcüstan (Tbilisi) paytaxtlarına gedən aviareyslərlə Kişinyov istiqamətinin birləşdirilməsi nəzərdə tutulub. Ukrayna şirkəti Moldovanın "Tandem-Aero" aviamüəssisəsi ilə əməkdaşlıq etməklə, Kiyev və Kişinyov arasında gündəlik uçuşlar həyata keçirməyi planlaşdırır.
Hazırda "AeroSvit" aviaşirkəti - "Ukrayna hava xətti" dünyanın 28 ölkəsinə uçan 58 beynəlxalq hava marşrutlarına xidmət göstərir, həmçinin sərnişinləri Kiyevdən Ukraynanın 12 iri inzibarti mərkəzinə çatdırır. Parkda Boeing şirkətinin istehsalı olan 12 hava gəmisi var. 2005-ci ildə "AeroSvit" 1,4 milyona yaxın - bir il əvvəlkindən 28% çox sərnişin daşıyıb.