Azərsu SC respublikanın müxtəlif şəhər və rayonlarında su təchizatı sisteminin inşası və bərpası çərçivəsində 2006-cı ildə tikinti-quraşdırma işlərinin yerinə yetirilməsi üzrə tender elan edib. Trend in SC-nin məlumatına istinadən xəbər verdiyi kimi, tender ilk növbədə Şəki, Balakən, Qax və Zaqatala kimi regionların sosial-iqtisadi inkişafının sürətləndirilməsi üzrə tədbirlər planı çərçivəsində obyektlərin tikintisi və təmirini, Xanlar şəhərinin kanalizasiya sisteminin yenidən qurulmasını və Qobustan rayonundakı yaşayış məntəqələrinin su ilə təchizatını əhatə edir.
Tikinti-quraşdırma işləri 2006-cı ilin sonlarınadək yerinə yetirilməlidir.
Tenderdə iştirak etmək istəyənlər hər lot üzrə 200 AZN keçirməlidir. Tender təklifləri iyulun 4-dək SC-də qəbul olunacaq. Prosedur isə iyulun 5-də keçiriləcək.
