"Məşğulluq haqqında" qanuna əlavə və dəyişikliklər ediləcək. Bu barədə Trend ə Milli Məclisin sosial siayasət məsələləri daimi komissiyasından bildiriblər.
Qeyd olunub ki, sənədə dəyişiklik və əlavələrin edilməsinə səbəb ölkədə məşğulluq məsələsinə yeni münasibətin formalaşmasıdır. Sənədin yenidən təkmilləşdirilməsi vətəndaşların sosial müdafiəsində daha aktiv tədbirlərə üstünlük verməkdir.
Məşğulluq strategiyası ilə bağlı proqramın təsdiq olunması "Məşğulluq haqqında" qanunun təkmilləşməsini zərurətə çevirib. Sənədin parlamentin payız sessiyasında müzakirəyə çıxarılması planlaşdırılıb. O da bildirilib ki, artıq bu məsələ ilə bağlı Əmək və Əhalinin Sosial Müdafiəsi nazirliyinin mütəxəssislərinin də təklifləri nəzərə alınacaq.
