4 iyul 2006-cı il tarixdə Bank Respublika ilə Qara Dəniz Ticarət və İnkişaf Bankı arasında ticarətin maliyyələşdirilməsi üçün 2,3 milyon avro həcmində kredit xəttinin ayrılması haqqında müqavilə imzalanıb. Bu barədə Trend bankın məlumatına istinadən xəbər verir.
Proqram çərçivəsində banka üzv ölkələrdən Azərbaycana məhsul idxalı və Azərbaycandan digər ölkələrə məhsul ixracı əməliyyatları maliyyələşdiriləcək. Üzv ölkələr siyahısına Türkiyə, Rumıniya, Bolqarıstan, Yunanıstan, Rusiya, Ukrayna, Gürcüstan, Moldova və digər ölkələr daxildir.
Müxtəlif maliyyə institutları tərəfindən Bank Respublika üçün ayrılmış kredit xətlərinin ümumi həcmi 40 milyon ABŞ dollarını keçib.