İcbari tibbi sığortanın tətbiqi ilə bağlı qanunvericilik bazasının genişləndirilməsi zəruridir. Bu barədə Trend ə Milli Məclisin sosial-siyasət məsələləri daimi komissiyasından bildiriblər.
Qeyd edək ki, bu məsələ ilə bağlı xüsusi tədbirlər planı hazırlanıb. Komissiyadan onu da bildiriblər ki, artıq Maliyyə Nazirliyinin mütəxəssisləri tərəfindən də təkliflər paketi hazırlanaraq müvafiq qurumlara təqdim edilib. Bununla yanaşı təkliflər paketinə Nazirlər Kabinetində baxıldıqdan sonra Prezident Aparatına göndəriləcək.
Prezident Aparatı sənədə müsbət rəy verdikdən sonra icbari tibbi sığortanın tətbiqi məqsədilə qanunvericilik bazasının genişləndirilməsi istiqamətində işlər görüləcək. Sənəd parlamentin müvafiq komissiyalarında da müzakirəyə çıxarılacaq.