Azərbaycanın Nəqliyyat Nazirliyi Bakı şəhərinin nəqliyyat infrastrukturunun yüklənməsini azaltmaq məqsədilə 9-cu körpünün inşası layihəsini təsdiq edib. Trend in xəbər verdiyi kimi, bu barədə nəqliyyat naziri Ziya Məmmədov məlumat verib. "Bu layihəni gerçəkləşdirəcək şirkət müəyyən edilib və yaxın vaxtlarda işə başlayacaq", - deyə nazir qeyd edib. Ancaq o, qalib şirkətin adını açıqlamayıb.
Görpü "Ekselsyer" oteli yaxınlığında inşa ediləcək. Birinci layihəyə görə bu körpü dəmiryol üzərindən keçməli idi. Ancaq prezidentin tapşırığı ilə bu layihəyə bir qədər dəyişiklik edilib. Bundan başqa burada bir sıra obyektlər, müəssisələr, yaşayış evləri, o cümlədən qaçqınların məskunlaşdığı yerlər var. Xüsusi komissiya onların köçürülməsi ilə məşğuldur", - deyə nazir qeyd edib.
Hazırda nazirlik bu layihədə körpülərdən çox tunellərin inşasına üstünlük verir.
Bütün bu işlər "2006-2007-ci illərdə Bakı şəhərinin nəqliyyat sisteminin təkmilləşdirilməsi haqqında" Azərbaycan prezidentinin fərmanı çərçivəsində həyata keçiriləcək. Yaxın vaxtlarda Bakı şəhərinin yanından keçən yolun inşasına başlanması da nəzərdə tutulur.
