Bank of Baku Baku Electronics-in dəstəyi ilə iyulun 13-dən başlayaraq onlyan mağaza xidmətlərinin göstərilməsi üzrə Azərbaycanda analoqu olmayan layihənin gerçəkləşdirilməsinə başlayıb. Bu barədə Trend bankın məlumatına istinadən xəbər verir.
Bundan sonra hər növ plastik kart sahibləri http://www.bakuelectronics.com/ internet saytının köməyi ilə online satış xidmətlərindən faydalana biləcək. Bu yenilik internet bankinq vasitəsilə tətbiq olunub və rahat, operativ və təhlükəsiz istifadənin təmin olunmasına yönəldilib.
Bu gündən başlayaraq Bank of Baku kartlarının sahibləri ən müasir və rahat xidmət növündən istifadə edə biləcək. Qeyd edək ki, online alış zamanı əlavə komissiya saxlanılmır.
