Dövlət Statistika Komitəsi 2006-cı ilin sonunadək makroiqtisadi göstəricilər üzrə bəzi proqnozları açıqlayıb. Trend in xəbər verdiyi kimi, komitə sədri Arif Vəliyev mətbuat konfransında bildirib ki, ÜDM ən azı 30%, sənaye istehsalı 30-40% artacaq.
Onun sözlərinə görə, belə proqnozları 1-ci yarım il ərzində əldə olunmuş məlumatlar əsasında da vermək olar. ÜDM-nin istehsal həcmi 36,3% artaraq, 7,164 mlrd manat, sənaye ÜDM isə 41,1% artaraq 5,903 mlrd manatadək təşkil edib.
A.Vəliyevin fikrincə, ÜDM-nin belə artımı neft hasilatının artması ilə əlaqədardır. Belə ki, neft sektoru (hasilat və emal) istisna olmaqla, ÜDM-nin artım həcmi 10% səviyyəsində olub. ÜDM-də qeyri-neft sektorunun payı 45,5% təşkil edir.
"Əgər əvvəllər Azərbaycanda hər il 9-10 mln ton neft hasil edilirdisə, o zaman 1-ci yarım ildə hasilatın həcmi 14,5 mln ton təşkil edib. Qaz hasilatının həcmi isə 30% artaraq 3,4 mlrd kub metrə bərabər olub", - deyə komitə rəhbəri bildirib.