I instansiya İqtisad Məhkəməsində İqtisadi İnkişaf Nazirliyinin iddasına baxılması Barmek Holding-ın II instansiya İqtisad Məhkəməsində apellyasiya şikayətinə baxılmazdan əvvəl müvəqqəti olaraq dayandırılıb. Bu barədə Trend ə iqtisadi inkişaf nazirinin müavini Mikayil Cabbarov bildirib.
Barmek-ın narazılığı Sumqayit və Bakı elektrik enerji paylaşdırıcı şəbəkələrini idarə edən Barmek Azerbaycan SC-nin əmlak və bank hesablarına qoyulan həbslə bağlıdır.
Məhkəmənin ilkin qərarında deiylirdi ki, həbs əmək haqqının verilməsi və kommunal xərclərin ödənilməsinə aid deyil. Barmek Azerbaijan 10 min yeni manatdan çox ödənişləri İqtisadi İnkişaf Nazirliyinin icazəsilə həyata keçirə bilər. 10 min manatdan az ödənişlər üçün isə icazə tələb olunmur.
Belə bir zərurət şirkət rəhbərliyinin Azərbaycanı tərk etməsi barədə bəyanatlarından irəli gəlib. Bu yolla nazirlik şirkətin öz hesablarındakı vəsaiti xaricə göndərməsinin qarşısını alıb. Bundan əlavə, Barmek Holding-in İqtisadi İnkişaf Nazirliyilə sazişə əsasən öhdəliklərinin icrasının təftişi üzrə idarələrarası komissiya şirkətin fəaliyyətinin müqaviləyə uyğun olmadığını aşkarlayıb.
"Bizim məqsədimiz Barmek Holding ilə müqaviləni pozmaq deyil. Bu barədə şirkət özü bəyan edib və təhvil-təslimə hazırlaşdığı haqqında məlumat yayıb, lakin bu, növbəti yalandır. Biz qəbul etməyə hazırıq, lakin indiyə qədər şirkət bu istiqamətdə heç bir addım atmayıb" -deyə M.Cabbarov vurğulayıb.
Nazir müavini bunun səbəbini onunla izah edir ki, Barmek Holding ilk növbədə müqavilə öhdəliklərinə zidd olaraq Barmek Azerbaijan şirkətinin yaradılması və Bakı və Sumqayit elektrik enerjisi paylaşdırıcı şəbəkələrin avktivlərini onun balansına keçirilməsi problemini həll etməlidir. Müqaviləni isə Barmek Holding pozur, çünki 2006-cı ilin əvvəlindən "Azərenerji" SC-yə istifadə olunmuş elektrik enerjisinin pulunun tam ödənilməsilə bağlı öhdəliyi ilə bacarmır.