Suveren avrobondların uğurlu buraxılması üçün beynəlxalq kapital bazarına müəyyən likvidlik səviyyəsi vermək lazımdır. Bunu Trend agentliyinin məlumatına əsasən, maliyyə naziri Samir Şərifov bildirib.
"Mənim fikrimcə, səviyyə $250 mln.-dan aşağı olmamalıdır. Təbii ki, aşağı səviyyə ilə də mümkündür, lakin bu, avrobondların buraxılış parametrlərinə də təsir göstərəcək. Buna görə ən azı $250 mln. buraxmaq lazımdır. Birinci dəfə üçün optimal dövriyyə buraxılışı 5 ildir" - deyə nazir vurğulayıb.
O, avrobondların debüt buraxılışından cəlb olunmuş vəsaitlərin istifadə məqsədlərindən danışmaqdan imtina edib.
İqtisadi inkişaf naziri Heydər Babayev əvvəllər demişdi ki, Azərbaycan debüt buraxılışının təqdimatını BVF və DB idarəçilərinin sentyabrın 19-dan 20-dək Sinqapurda keçiriləcək illik iclası çərçivəsində təşkil etməyə hazırlaşır. Məsələ ilə əlaqədar Deutsche Bank, Fitch Raytings beynəlxalq reytinq agentliyi, ölkənin ikinci reytinq agentliyinin cəlb olunması üzrə məsləhətçisi City Group Azərbaycana kömək təklif edir.
Hökumətə təxminən 20 bankın ( Commerz Bank, BNP Paribas və s.) avrobondlarının buraxılışına köməklik etməyi məsləhət görüblər.