...

Azərbaycan İqtisadi İnkişaf Nazirliyinin nümayəndələri Ukraynada Sahibkarlıq günü ilə bağlı tədbirlərdə iştirak edəcəklər

Biznes və iqtisadiyyat xəbərləri Materials 30 Avqust 2006 15:18 (UTC +04:00)

Ukrayna Tənzimləyici Siyasət və Sahibkarlığa Yardım Nazirliyinin dəvəti ilə Azərbaycan İqtisadi İnkişaf Nazirliyinin sahibkarlığa yardım departamentinin nümayəndələri sentyabrın 1-də Kiyevə yola düşəcəklər. İqtisadi İnkişaf Nazirliyinin (İİN) departament rəhbəri Samir Nuriyevin Trend ə verdiyi məlumata görə, sentyabrın 1-dən 5-nə kimi Ukraynada Sahibkarlıq günü və bununla bağlı bir sıra tədbirlər keçiriləcək.

Tədbirdə iştirak edəcək qrupa departamentdə hüquqi sektorun rəisi Zaur Qasımov və sahibkarlığın inkişafı üzrə sektorun rəhbəri Faiq Abbasov daxildirlər.

"Biz Ukrayna tərəfinin dəvətini qəbul etdik. Belə ki, onların biznesin inkişafında əldə etdikləri təcrübə ilə tanış olmaq istəyirik. Bu, bizə sahibkarlıq sahəsində dövlət proqramının hazırlanması və həyata keçirilməsinə köməklik edəcək", - deyə S. Nuriyev qeyd edib.

İİN-nin departamenti ilə Ukraynanın analoji idarəsi arasnda əməkdaşlıq iki ölkə departamentləri arasında imzalanmış "Sahibkarlığın inkişafı sahəsində yardım və informasiya mübadiləsi haqqında" memorandum əsasında qurulur. Həmin sənəd çərçivəsində artıq iki dəfə görüş keçirmiş işçi qrupu yaradılıb. Sonuncu görüş 2006-cı ilin iyulunda Bakıda keçirilib. Görüş zamanı İİQ Ukraynaya dəvət alıb.

"Qrupun işi təcrübə mübadiləsindən ibarətdir. Bununla yanaşı, Ukraynadakı son dəyişikləri nəzərə alsaq, onların təcrübəsi ilə tanış olmaq faydalı olardı", - deyə İİN nümayəndəsi qeyd edib.

Onun sözlərinə görə, artıq bu görüşlərin nəticələri var. Birinci görüşdən sonra İmişlidəki Şəkər zavodu şəkər müəssisələri üçün avadanlıq istehsalı üzrə ixtisaslaşmış Ukraynanın 5-6 şirkəti ilə əməkdaşlıq əlaqələri qurub.

Sonuncu görüş zamanı işçi qrupda şampan şərablarının istehsalı üzrə Azərbaycan müəssisələrində olmuş Ukraynanın pivə zavodlarının direktorları təmsil olunublar.

Xəbər lenti

Xəbər lenti