2006-cı ilin yanvar-avqust aylarında Azərbaycanın ticarət şəbəkələri vasitəsilə ölkə əhalisinə 3,6 mlrd manat məbləğində istehlak malları satılıb ki, bu da ötən ilin həmin dövrü ilə müqayisədə 12,5% çoxdur. Trend in Dövlət Statistika Komitəsinə istinadən xəbər verdiyi kimi, ümumi malın 17,6%-i hüquqi şəxslər, 82,4%-i isə özəl sahibkarlar tərəfindən satılıb.
Ümumi mal dövriyyəsinin 2,4 mlrd manatını ərzaq, 1,2 mlrd manatını isə qeyri-ərzaq malları təşkil edir. 2005-ci ilin analoji dövrü ilə müqayisədə hər iki əmtəə növü üzrə satışın həcmi 9,4% və 19,1% artıb.
İlin əvvəlindən əhaliyə 849,5 mln manat məbləğində ödənişli xidmətlər göstərilib. Bu, ötən ilin həmin dövrü ilə müqayisədə 38,9% çoxdur. Xidmətlərin 74,5%-i hüquqi şəxslərə, 25,5%-i isə fiziki şəxslərə göstərilib.