Bütövlükdə Azərbaycan iqtisadiyyatının və qismən qeyri-neft sektorunun dinamiki inkişafı və dünya bazarlarına neftin ixracından əldə olunan gəlirlər ölkənin dövlət büdcəsinin əhəmiyyətli dərəcədə artmasına səbəb olub. Bu barədə Trend ə Milli Məclisin iqtisadi siyasət üzrə daimi komissiyasının başçısı Ziyad Səmədzadə bildirib.
Onun sözlərinə görə, bütün bu amillər ölkə büdcəsinin gəlirlər hissəsinə təsir göstərir və əlbəttə ki, onun xərcləri də böyüyür. "Bu, obyektiv prosesdir", - deyə o qeyd edib.
Z.Səmədzadə bildirib ki, 2007-ci ildə büdcə vəsaitləri, əsasən, təhsil, səhiyyə sahələrinə və investisiya yatırımlarına yönəldiləcək.
"Bu gün Azərbaycanda büdcə xərclərinin artımı artan inflasiyaya səbəb ola bilməz. Biz Azərbaycanın Hesablama Palatasına büdcə xərclərinin monitorinqini aparması ilə bağlı göstəriş vermişik", - deyə o bildirib.
