Azərbaycan Əhalinin sosial müdafiəsi üzrə Dövlət fondu (ƏSMDF) 2009-cu ilə qədər məcburi sosial sığortanın faiz dərəcəsinin azalacağını gözləmir. Fondun sədri Səlim Müslümov Trend ə bildirib ki, dövlət başçısının ƏSMDF qarşısına qoyduğu vəzifənin həlli zəruri olduğundan əmək təqaüdünün baza hissəsinin minimal ölçüsünün yaşam minimumuna çatdırmaq üçün tədbirlər görmək lazımdır. Onun sözlərinə görə, təqaüdün baza hissəsinin 1 sentyabr 2008-ci ilə qədər iki dəfə artırılması nəzərdə tutulub.
Digər səbəb 2015-ci ilə qədər sosial sığortanın özümaliyyələşən sisteminin yaradılmasından ibarətdir. Bununla əlaqədar dövlət büdcəsindəki transfertlərin minimuma çatdırılması nəzərdə tutulub. Növbəti iki ildə (2007 və 2008-ci illər) transfertlər əmək təqaüdünün minimal ölçüsünün yaşam minimumuna çatdırılması ilə əlaqədar artacaq, sonra isə transfertlər tədricən aşağı düşəcək.
Bu halda, sosial daxilolmaların faiz dərəcəsinin azaldılmasına ehtiyac yoxdur. Təqaüd konsepsiyasına əsasən işə götürənlər və işçilərin sosial ödənişlərinin faiz dərəcəsinin nisbətini dəyişmək daha düzgün olardı.
S.Müslümov əməyin ödənilməsi fondundan işə götürənlərin daxilolmalarının faiz dərəcəsinin azalmasının və daxilolmaların faiz dərəcəsinin işçilərin əmək haqqından artırılmasının tərəfdarıdır. MDB-nin bir sıra ölkələrinin və qabaqcıl Qərbi Avropa ölkələrinin təcrübəsi də bu variantın qəbul olunmasına təkan verir. Məsələn, Qazaxıstanda sosial sığorta üçün 21% faiz dərəcəsinin 10%-ni işçilər öz əmək haqqından ödəyir.
Hazırda məcburi sosial sığorta üçün daxilolmaların faiz dərəcəsi iki mənbədən formalaşır. İşəgötürənlər əmək haqqı fondundan sosial sığortaya 22% həcmində məbləğ ödəyir, işçinin əmək haqqından isə 3% tutulur.