Beynəlxalq Maliyyə Korporasiyasının Direktorlar Şurası bir ay ərzində Azərbaycanda supermarketlər şəbəkəsinin inkişaf layihəsi üçün kreditin təsdiq olunmasını gözləyir. BMK-nin Azərbaycandakı nümayəndəsi Aliyə Əzimovanın Trend ə verdiyi xəbərə görə, layihənin 2006-cı ilin yayında nəzərdən keçiriləcəyi ehtimal olunurdu, lakin layihənin strukturunun yenidən baxılması, layihə çərçivəsində ticarət şəbəkəsinin genişləndirilməsi ilə kreditin həcmi 15-17 mln. ABŞ dollarına qədər arta bilər. A.Əzimovanın sözlərinə görə, korporasiya Azərbaycan şirkətini indiyədək olduğu kimi yerli bank sistemi ilə deyil, birbaşa maliyyələşdirəcək.
Krediti ADA-Azerbaijan şirkəti alacaq. İlkin biznes-plana əsasən, layihədə Bakının avtomobil yolları boyunca 50 pərakəndə ərzaq mağazasından şəbəkə yaradılması nəzərdə tutulub. Layihənin dəyəri 49 mln. ABŞ dolları təşkil edib və onun 2006-2008-ci illərdə gerçəkləşdirilməsi planlaşdırılıb.
ADA-Azerbaijan Britaniyanın ADA İnvestment Holdings Limited şirkəti, ikisi Rusiya vətəndaşı olan dörd özəl şəxsin təsisçiliyi ilə yaradılıb və səhmlərin 20%-i Azərbaycan rezidentlərinə məxsusdur.