...

Abşeronun neftlə çirklənmiş torpaqlarının təmizlənməsi üçün DB-dən kreditin 2007-ci ildə alınması planlaşdırılır

Biznes və iqtisadiyyat xəbərləri Materials 2 Oktyabr 2006 14:07 (UTC +04:00)

Trend-i buradan izləyin

2007-ci ildə Azərbaycan höküməti Abşeronun neftlə çirklənmiş torpaqlarının təmizlənməsi üzrə dövlət proqramı çərçivəsində Dünya bankından 50 mln. ABŞ dolları kredit almağı planlaşdırır. Bu barədə Trend ə hökümətdən məlumat verilib. İlkin olaraq gələn il ölkə tərəfindən xarici borclara limitin qoyulması zamanı bu həcmdə borc nəzərdə tutulub.

DB-nin qiymətləndirmələrinə görə, Azərbaycanda ilkin məlumatlar üzrə 10 min ha-dan 30 min ha-ya qədər torpaq neftlə çirklənib. Azərbaycanın artıq təmizlənmə tədbirlərinin aparıldığı digər ölkələrdən fərqi bundan ibarətdir ki, burada kiçik ərazi neftlə çox çirklənib. PSA çərçivəsində aparıcı ekoloji standartlara riayət olunduğundan, hazırda, demək olar ki, çirklənmə baş vermir. Bu, əsrlərlə yığılmış çirklənmədir və təmizlənmə üçün yüz milyonlarla dollar tələb olunur.

Həmin tədbirlərin bir çox idarələrin (Maliyyə, İqtisadi İnkişaf, Fövqəladə Hallar, Turizm, Ekologiya Nazirlikləri) fəaliyyət dairəsini əhatə etdiyini nəzərə alaraq, DB hökümətə təmizləmə proqramını tənzimləyən xüsusi Agentlik yaratmağı təklif edib. P.Tompsonun sözlərinə görə, hökümət həmin təklifə müsbət yanaşıb və bu, prezidentin neftlə çirklənmiş torpaqların təmizlənməsi üzrə tədbirlər planı haqqında sərəncamında öz əksini tapa bilər.

Xəbər lenti

Xəbər lenti