...

BP-Azərbaycan xarici vətəndaşların sosial sığorta ayırmaları ilə bağlı problemi ilin sonuna kimi həll etməyə söz verib

Biznes və iqtisadiyyat xəbərləri Materials 9 Oktyabr 2006 20:39 (UTC +04:00)

Trend-i buradan izləyin

Əhalinin Sosial Müdafiəsi üzrə Dövlət Fondu fərdi uçot sistemində Azərbaycanda işləyən 2 min xarici vətəndaşı qeydiyyata alıb. Belə ki, 2006-cı ilin yanvarın 1-dən onlar da məcburi sosial sığorta ayırmalarını ödəməlidirlər. Trend in Dövlət Fondunun sədri Səlim Müslümova istinadən xəbər verdiyi kimi, Əmək Nazirliyinin Miqrasiya üzrə İdarəsinin məlumatına görə, Azərbaycanda 20 min xarici vətəndaş işləyir.

Qalan 18 min əcnəbinin böyük hissəsi neft konsorsiumlarında çalışır, - deyə S. Müslümov bildirib. Onların məcburi sosial sığorta ödənişlərinə cəlb olunması ilə bağlı hazırda BP-Azərbaycan şirkəti ilə danışıqlar aparılır. "Mən şirkətin maliyyə məsələləri üzrə vitse-prezidenti ilə görüşmüşəm və bu problemin həll üçün müddət 2006-cı ilin sonuna kimi müəyyən olunub. Bundan sonra biz deklarasiya üsuluna keçəcəyik və onlar cavab verəcəklərinə söz veriblər. Əks təqdirdə, biz cərimələr tətbiq edəcəyik", - deyə S. Müslümov qeyd edib.

Problem ondan ibarətdir ki, bəzi neft müqavilələrində podratçılar, digərlərində isə subpodratçılar güzəştlərə malikdirlər. BP-Azərbaycan şirkətinin iddiasına görə, həqiqətən güzəştləri olan podratçı şirkətlər kimi, subpodratçılar da sosial sığorta ödənişlərindən azad olunmalıdırlar.

Xəbər lenti

Xəbər lenti