Azərbaycan dövlət Kapital bankı Moody's agentliyinin reytinqinin təltif olunmasını gözləyir. Bu barədə Kapital bank AKB-nin idarə heyətinin sədri Rauf Rzayev Yaltada "Retail banking" II Beynəlxalq konfrans zamanı Trend in Ukraynadakı xüsusi müxbirinə məlumat verib.
Bankirin sözlərinə görə, Moody's indi reytinqin alınması üçün zəruri olan reytinq prosedurlarını həyata keçirir.
R.Rzayev qeyd edib ki, Kapital bank artıq Beynəlxalq reytinq agentliyi Fitch tərəfindən təltif olunmuş reytinqə malikdir.
Bank 2000-ci ildə üç problemli dövlət banklarının birləşməsi nəticəsində yaradılıb və son ana qədər əsasən hökümət təşkilatlarına və dövlət şirkətlərinə xidmət göstərib. 2004-cü ilin oktyabr ayında bank xidmətlərinin tam spektrini göstərmək hüququ verən lisenziyanı aldıqdan sonra bank kommersiya bank xidmətlərini sürətlə inkişaf etdirməyə başlayıb. Bu zaman bank diqqətini bölgələrdə korporativ müştəri və fiziki şəxslərə yönəldib və beləliklə də, böyük filial şəbəkəsini işə salıb.
