Azərbaycanın "Dövlət büdcəsi haqqında" qanun layihəsində onun gələn il üçün gəlirləri 5335700 min AZN səviyyəsində təklif olunub. Trend xəbər verir ki, büdcənin məxaric hissəsi 5714700 min AZN səviyyəsində təklif olunub.
O cümlədən mərkəzləşdirilmiş gəlirlər - 5169173,9 min AZN, yerli gəlirlər - 166529,1 min AZN və mərkəzləşdirilmiş xərclər - 4 986594,8 AZN, yerli xərclər - 728105,2 min AZN səviyyəsində müəyyən olunub. Büdcə kəsiri 379 mln. AZN təşkil edir.
Qanun layihəsində qeyd olunduğu kimi, neftin bir barelinin qiymətinin 40 ABŞ dollarından çox olması zamanı 50% səviyyəsində, 50 ABŞ dollarından çox olması zamanı isə - 75% səviyyəsində yığım müəyyən olunub. Bu yığımlar Azərbaycanın Dövlət Neft Fonduna ödəniləcək.