Noyabrın 2-3-də Asiya İnkişaf Bankının (AİB) yüksək vəzifəli şəxsləri - Mərkəzi və Qərbi Asiya bölgəsi üzrə Departamentin (MQAD) baş direktoru Xuan Miranda, MQAD sosial sektor şöbəsinin direktoru Metyu Vestfol və baş hüquqşünasın müavini Çin Çun Fonqun Bakıya səfəri planlaşdırılıb. Trend AİB-in Bakı nümayəndəliyinin məlumatına istinadən xəbər verir ki, səfərin başlıca məqsədi Azərbaycan höküməti ilə ikitərəfli strateji imkanları və gələcək əməkdaşlıq istiqamətlərini müzakirə etməkdir.
Səfər zamanı ölkə prezidenti, baş nazir, baş nazirin müavinləri, müvafiq nazirlik və qabaqcıl donorlarla görüşlərin keçirilməsi gözlənilir.
Azərbaycan 1999-cu ildən Aİ B-in üzvüdür. 2005-ci ilin dekabr ayına olan məlumata görə, Asiya İnkişaf Bankı beş layihənin maliyyələşdirilməsinə 104 mln. ABŞ dolları ayırıb. Bundan əlavə, ölkə üçün texniki yardımın ümumi həcmi 16,35 mln. ABŞ dolları təşkil edir.