Azərbaycanın yeni Gömrük Məcəlləsinin təqdimat tarixi müəyyən olunub.
BMT-nin İnkişaf Prqramının Azərbaycandakı ofisindən Trend ə verilən məlumata görə, təqdimat noyabrın 15-də Bakıda keçiriləcək.
Azərbaycanın yeni Gömrük Məcəlləsinin hazırlanması üzərində işlər "Azərbaycanda gömrük sisteminin təkmilləşdirilməsi" layihəsi çərçivəsində həyata keçirilib.
Elə həmin gün Azərbaycan Dövlət Gömrük Komitəsi və BMT-nin İnkişaf Proqramı (UNDP) arasında "Məlumatların verilməsi şəbəkəsinin yaradılması və DGK-nın institusional imkanlarının inkişafı" layihəsinin uzadılmasına dair saziş imzalanacaq.
Hazırda layihənin 4-cü mərhələsi başa çatmaq üzrədir. Layihənin 1-ci mərhələsi haqqında saziş 26 yanvar 1999-cu ildə BMT İP-nin daimi nümayəndəsi Ercan Murad və DGK sədri Kəmaləddin Heydərov tərəfindən imzalanıb.
Layihənin ümumi məqsədi lazımi şərait yaratmaq və müvafiq avadanlıqla təchiz etməklə, o cümlədən təlim vasitəsilə DGK-nın texniki potensialının və fəaliyyətinin səmərəliliyinin artırılmasından ibarətdir.
