Azərbaycan Avropanın ali maliyyə nəzarəti orqanları Təşkilatının (EUROSAI) seminarında iştirak edib. Trend Azərbaycanın Hesablama Palatasına (AHP) istinadən xəbər verir ki, tədbirdə Almaniyanın ali auditor orqanının rəhbəri Diter Engelsin dəvəti ilə AHP ictimai-analitik nəzarət şöbəsinin müdiri Əzim Abbasov iştirak edib.
Seminarın mövzusu "Büdcə islahatları üzrə yürüşlər - XXI əsrdə dövlət sektorunda audit qarşısında duran tələblər"dir.
Oktyabrın 26-27-də Berlində keçirilən seminarda 27 ölkədən Avropa audit məhkəməsinin 50 nümayəndəsi iştirak edib.
Tədbirdə dövlət sektorunda uçot və büdcə sistemində islahat məsələləri və büdcə islahatlarının xarici auditə təsiri müzakirə ediləcək.
Avropa ali maliyyə nəzarəti orqanları Təşkilatı (EUROSAI) öz sıralarında 186 ölkənin ali nəzarət orqanlarını birləşdirən və Birləşmiş Millətlər Təşkilatı ilə əməkdaşlıq edən müəssisə dərəcələrinə malik Beynəlxalq ali maliyyə nəzarət orqanların təşkilatının (INTOSAI) regional təşkilatlarından biridir. EUROSAI ilə yanaşı INTOSAI-nın üzvləri aşağıdakı regional təşkilatlardır: ASOSAI, ARABOSAI, AFROSAI, CAROSAI, OLACEFS və SPASAI.
EUROSAI 1990-cı ildə təsis olunub. O vaxt təşkilatın 30 üzvü var idi. Hazırda EUROSAI 47 ali maliyyə nəzarəti orqanlarını birləşdirir.
1990-cı ilin noyabr ayında Madriddə Təsis konfransı və I EUROSAI Konqresi keçirilib. orada il Prezidenti və Rəhbər komitəni seçiblər. Təşkilatın Nizamnaməsi müzakirəyə çıxarılıb və qəbul olunub, onun qərargahı və daimi Baş katibliyi müəyyənləşdirilib.
EUROSAI Nizamnaməsinin 1-ci maddəsinə əsasən təşkilatın başlıca məqsədi - ona daxil olan təşkilatların əməkdaşlığının inkişafına yardım etmək, eləcə də dövlət maliyyəsinə nəzarət sahəsində məlumat və sənəd, tədqiqat mübadiləsinə, bu fənn üzrə universitet kafedralarının yaranmasına və maliyyə nəzarəti sahəsində terminologiyanın unifikasiyasına köməklik göstərməkdir.
