2006-cı ilin yanvar-oktyabr aylarında Naxçıvan Muxtar Respublikasına (NMR) 130949,9 min manat sərmayə qoyulub, bu isə 2005-ci ilin analoji dövrü ilə müqayisədə 36,3% çoxdur. Bu barədə Trend ə NMR-in Bakıdakı daimi nümayəndəliyindən məlumat verilib.
Bu dövr ərzində tikinti-montaj işlərinə yönəldilmiş investisiyaların həcmi 5,1% artıb və 87097,1 min manat təşkil edib. Bu göstərici ümumi sərmayələrin 66,5%-nə bərabərdir.
Nümayəndəlikdən həmçinin bildirilib ki, bu dövr ərzində NMR-in tikinti müəssisələri tərəfindən 76330 min manat məbləğində xidmət göstərilib, bu isə 2005-ci ilin həmin göstəricisi ilə müqayisədə 2,8% çoxdur. Görülmüş tikinti işlərindən 55410,3 min manat (72,6%) yeni tikililərin, yenidənqurma və genişləndirmə işlərinin payına, 18065,9 min manat (23,7%) - əsaslı təmirin, 1467,6 min manat (1,9%) - cari tikinti işləri və 1386,2 min manat (1,8%) isə digər tikinti işlərinin payına düşür.
2006-cı ilin yanvar-sentyabr aylarında tikinti sahəsində işçilərin sayı 4259 nəfər təşkil edib və bu, ötən ilin həmin dövrü ilə müqayisədə 13,4% çoxdur. Hər bir işçinin orta aylıq əmək haqqı 13,6% artıb və 109,4 manat təşkil edib.