...

DB Azərbaycanda maliyyə sektorunun inkişafında birgə fəaliyyəti davam etdirməyə hazırdır

Biznes və iqtisadiyyat xəbərləri Materials 16 Dekabr 2006 14:01 (UTC +04:00)

DB Azərbaycan maliyyə sektorunun inkişafına dəstəyini davam etdirməyə hazırdır. DB-nın Cənubi Qafqaz ölkələri üzrə aparıcı iqtisadçısı Kristian Pitersona istinadən Trend in verdiyi xəbərə görə, bankın maliyyə dəstəyi ilə bu vaxta qədər Azərbaycanda bu sahədə iki layihə gerçəkləşdirilib - "Maliyyə sektoruna texniki yardım" və "Bazar xidmətlərinin inkişafı".

Bu layihələr çərçivəsində milli ödəmə sistemi (xırda və iri ödəmələrdə), paytaxt hüdudlarındakı şöbələr vasitəsilə ödəmələrin həyata keçirilməsi üçün poçt sistemi, bank sahəsində qanunverici baza təkmilləşib və bank nəzarətinin təkmilləşməsinə yardım göstərilib. K.Pitersonun sözlərinə görə, birgə fəaliyyətin növbəti istiqaməti sığorta bazarının nizamlanması və onun beynəlxalq standartlara müvafiq keçirilməsi, maliyyə hesabatlarının təkmilləşdirilməsi sahəsində olmalıdır. "Ümumi iqtisadi inkişaf fonunda kapital bazarının həcmi çox kiçikdir, odur ki, bu istiqamətdə yardım tələb olunur"- deyə K. Piterson hesab edib.

DB-nın Azərbaycan höküməti ilə tərəfdaşlıq strategiyasında (2007-10 illər) AR-nın maliyyə sisteminin modernləşməsi layihəsinə 10 mln. dollar qoyulub. DB-nın direktorlar şurasında kreditlərin təsdiqi bankın 2008-ci maliyyə ilində nəzərdə tutulur. Bankın bu kredit resursları Beynəlxalq İnkişaf Assosiasiyasının xətti ilə güzəşt şərtlərində ölkəyə təqdim olunacaq.

Dünya bankı maliyyə sektoruna texniki yardım layihəsinə 5,4 mln dollar, bazar xidmətlərinin inkişafı layihəsinə 12 mln. dollar kredit ayırıb.

Xəbər lenti

Xəbər lenti