Visa International beynəlxalq ödəniş sistemi daha iki Azərbaycan bankı - Texnikabank ə Azəriqazbankı tamhüquqlu üzvlüyə qəbul edib. Çərşənbə günü "Azərikard" prosessinq mərkəzindən Trend ə verilən xəbərə görə, əvvəl onlar Visa sisteminin assosiasiyalı üzvləri idi, lakin bu bankların statusu və müvafiq olaraq da məsuliyyəti artırılıb. Bununla yanaşı, Azərbaycanda belə bankların siyahısı genişlənir. Hazırda Atabank bu ödəniş sisteminin prinsipial üzvlüyünə qəbul olma prosesindədir.
Hazırda Azərbaycanda 20-dan çox bank Visa sisteminin üzvləridir.
2006-cı il noyabr ayının sonuna olan məlumata görə, Azərbaycan emitentləri 1,3 mln. Visa kartı buraxıblar, onlar üzrə dövriyyə 820,2 mln. ABŞ dollarına bərabərdir. Bununla yanaşı Azərbaycan MDB ölkələri arasında ən fəal inkişaf edən Visa ödəniş kartları bazarları beşliyinə daxildir. 2003-cü ilin sentyabr ayından 2006-cı ilin sentyabrına qədər Visa sisteminin üzvü olan Azərbaycan bankları ölkədə fəaliyyət göstərən Visa kartlarının sayını 48 dəfə artırıblar.
Bu günə qədər Visa Electron kartları əsasında artıq 600 min sosial kart buraxılıb, bu isə dövlətə sosial ödənişləri həyata keçirmək prosesini optimallaşdırmağa imkan verir. Visa sisteminə üzv olan banklar Visa sisteminin əhalinin müxtəlif təbəqələrinin tələblərinə cavab verən kredit və mükafat məhsullarının tətbiqi üzərində fəal şəkildə işləyirlər.
